Það er sukkað enn og aftur

Nú er heldur betur búið að redda jólunum hjá einhverjum.

Þarna er verið að ausa peningum í þá sem eiga nóg fyrir á sama tíma og fjöldi fólks þarf að lifa á bónbjörgum yfir jólin eins og reyndar aðra daga.

Ég segi því, burt með sukkið, burt með þessa ríkisstjórn

Hækkaði stjórnarlaun um 77%

Athugasemdir

[Anna Sigríður Guðmundsdóttir, 2.12.2011 kl. 14:45]

Sammála þér Camel.

Er brauðið dýrara fyrir starfsmenn fjármálaeftirlitsins, en annarra launþega landsins, eða eiga sumir bara ekki að fá neitt að borða, til að siðlausir starfsmenn fjármálaeftirlitsins og annarra ruglstofnana á Íslandi geti þegið ofurlaun? Mun þetta fjármálaeftirlits-fólk virkilega sanna og opinbera siðblindu sína, með að taka við þessum peningum, á meðan fjöldi fólks þarf að þiggja neyðaraðstoð til að lifa af?

Ættu fátækir eldriborgara, öryrkjar og annað fátækt fólk að hrópa ferfalt húrra fyrir ráðdeild ráðamanna í að ráðstafa skattpeningum þeirra, sem þurfa að lifa af á fjárupphæð, sem er langt undir neysluviðmiðum? Það er verið að láta fólk borga skatt, sem er með ráðstöfunartekjur undir neysluviðmiðum, og hefur ekki efni á að borða!!! Hvers konar siðblindu-geðbrenglun er að fólki, sem stjórnar fjármálum þjóðarinnar svona lífshættulega óábyrgt?

Ég skil ekki velferðarhugsjónir velferðar-stjórnarinnar, en mér skilst að sumir geti, á einhvern óskiljanlegan hátt, fundist svona siðspillt kúgunar-vinnubrögð eðlileg. Hvað er að fólki sem er þannig innréttað og þenkjandi?

Er lífsafkoma og heilsa almennings föl fyrir ofurlaun einstakra siðblindra manna á Íslandi?

M.b.kv.

[Camel, 2.12.2011 kl. 17:44]

Anna.  Hér áður fyrr var Jóhanna Sigurðardóttir hörð og ötul baraáttukona fyrir þá sem minna máttu sín og fékk oft bágt fyrir hjá samstarfsfólki sínu svo maður tali nú ekki um pólitíska andstæðinga hennar.

Nú er öldin önnur.  Mikið breytt Jóhanna virðist hafa gleymt sér í Evrópudraumum Alþýðuflokksins sáluga og fylgir þar stefnu Jóns nokkurs Baldvins í hvívetna.  Ég man eftir því að þau voru andstæðingar innan sama flokks ef segja má svo því ekki var kærleikurinn alltaf í fyrirrúmi.  Hver man ekki eftir því þegar hún tapaði formannsslagnum fyrir Jóni og hún sagði þessi fleygu orð "MINN TÍMI MUN KOMA" .  Nú er hennar tími kominn og fer hún heldur illa með hann að mínu mati.

Þetta skrifar eldri borgari sem er kvæntur öryrkja.

[Helgi (IP-tala skráð) 2.12.2011 kl. 17:56]

Sæll.

Þetta er einmitt það sem við þurfum - hækkun ríkisútgjalda. FME er nú þegar alltof stórt og dýrt.