Er hægt að koma í veg fyrir umferðaslys

Undanfarið hefur borið mikið á fréttum af umferðarslysum, hraðakstri og vímuakstri í fréttum fjölmiðla.  Það er grátleg staðreyndi að fjölmiðlar ná ekki nema broti af þeim óhöppum og slysum sem eiga sér stað í kring um landið svo maður tali nú ekki um hraðaksturinn og ölvunar/vímuaksturinn.

Hvað er fólk að pæla.  Ég er ekki að segja að öll óhöpp og slys eigi rót sína að rekja til vímuaksturs og hraðaksturs.  Fólk fer illa hvílt út í umferðina, úttaugað vegna vandamála og gleymir sér augnablik, það er nóg, slys verður.  Farið nú að hugsa svolítið áður en þið farið af stað.

Hér eru nokkur óútskýrð dæmi.

Lögreglan á Hvolsvelli hefur tekið 17 manns fyrir of hraðan akstur á Suðurlandsveginum frá Hvolsvelli og austur að Klaustri í gær. Þar af voru 3 teknir á yfir 140 km hraða og nokkrir án ökuleyfis eða skírteinislausir.

Karlmaður um þrítugt slasaðist skömmu fyrir hálf fimm í gær, hann féll á mótorkross-hjóli sínu í Grímsnesi.

Bílvelta varð á Norðurlandsvegi á móts við bæinn Höskuldsstaði í Akrahreppi um hálfníuleytið í fyrrakvöld. Ökumaður og tvö ung börn sem voru í bifreiðinni sluppu með minniháttar skrámur. Bifreiðin er gjörónýt eftir veltuna.

Bifhjólamaður mældist á 175 kílómetra hraða á Vesturlandsvegi við Grafarholt, þar sem hámarkshraði er 80 kílómetrar á klukkustund um hálfníuleytið í fyrrakvöldi.

Það verður að segjast eins og er að við, þessir almennu, getum stundum komið í veg fyrir svona lagað með að tilkynna um athæfin og ég tala nú ekki um það þegar við vitum að þau eru yfirvofandi og hægt að koma í veg fyrir að ökumaður hefji akstur í slæmu ástandi.

Athugasemdir

[Ásgeir Helgi Ásgeirsson (IP-tala skráð) 23.5.2009 kl. 20:53]

Halló, ég verð að viðurkenna að ég skil ekki alveg þessa færslu, værir þú til í að útskýra hvað þú meinar, ég þekki eitt af þessum slyfa af fyrstu hendi og ég er ekki alveg að fatta pointið hjá þér

kv