Hvernig er ástandið þegar eitthvað er í fréttum

Hvernig í andskotanum getur það talist að það sé rólegt í löggunni þegar maður les um slys í stórum stíl, líkamsárásir, jafnvel með vopnum, heimilisofbeldi o.s.f.

Hvernig er þá ástandið þegar eitthvað er að gera hjá þessum löggum.

Rólegt hjá lögreglunni

Það á bara að gefast upp..

Þegar ekki er hægt að sigra þá, þá á að ganga í lið með þeim.  Er það þetta viðmót sem er verið að boða ?

Ég held að ungir Sjálfstæðismenn mættu skammast sín fyrir baráttuleysið og snúa sér að naflaskoðun samtaka sinna.  Yfirleitt eru það neytendur fíkniefna sem halda svona áróðri á lofti.  Hvernig er ástandið hjá þeim sem komu þessari áliktun í gegn ?

Vilja lögleiða fíkniefni

Hrókeringarnar. Til hvers ?

Jóhanna er ánægð með breytinguna enda engin furða þar sem hún er komin á beinu brautina í Evrópumálunum með þessu, laus við röflið í Jóni og allt.

Þá er Steingrímur flúinn út í horn frá fólki sem hefur persónugert skattpíningar á hann.  Hún Odda litla mun taka við og segir strax að engar breytingar verði á stefnunni, fólk verði skattpínt áfram eins og verið hefur.  Það mun því verða gleðilegt árið 2012 hjá skítblönkum almenningi.

Ný ríkisstjórn á fundi

Frábært framtak SVN

Það er heldur betur flott framtakið hjá SVN að styrkja björgunarsveitina í Neskaupstað með 2,5 millum.  Þessi styrkur kemur í kjölfarið á fárviðri því sem gekk yfir í Neskaupstað á aðfangadagskvöld.

Fram kemur í fréttinni að húsnæði og bátur björgunarsveitarinnar hafi orðið fyrir umtalsverðu tjóni í óveðrinu og að sennilega bættu tryggingar ekki nema hluta tjónsins.  Þetta er alveg með ólíkindum ef svo er.  Tryggingar eiga að mínu mati að bæta tjón þeirra að fullu og veita þeim fjárstyrk að auki fyrir frækilega framgöngu á aðfangadag.  Björgunarsveitin kom í veg fyrir að flutningaskip og frystitogari rækju upp í grjótgarð þegar þau voru að slitna frá bryggjunni og löfðu þar við á lyginni einni saman.

Það má því með sanni segja að fólkið í björgunarsveitinni hafi sparað tryggingunum tugi ef ekki hundruð miljóna í bótagreiðslur.

Hvernig er það, eiga björgunaraðilar skipa ekki að fá greiðslur miðað við andvirði skipa þeirra sem þeir bjarga frá stórskaða ? 

Vonandi taka svo önnur fyrirtæki SVN til fyrirmyndar og láti eitthvað af hendi rakna, það munar um allt.

Síldarvinnslan styrkir Gerpi

Strákurinn úr götunni minni

Það gleður mig mikið að strákurinn í götunni minni, hann Eggert, skuli vera að ganga í það lið sem ég hef haldið með frá því ég fór að fylgjast með enska boltanum.  Eggert er því að verða Úlfur.

Vonandi tekst honum að lyfta liðinu aðeins upp, alla vega upp undir miðja deildina til að byrja með.

Eggert Gunnþór: Tilbúinn að taka næsta skref

Gott er að gefa góðar gjafir

Þau eiga þakkir skyldar fyrir þessar gjafir sem örugglega koma sér vel víða.  Svo er að athuga hvort ríkið eigi einhvern afgang af menningarsjóði sínum, sem er digur að mér sýnist, og láti eitthvað gott í púkkið handa fólki svona fyrir jólin.

Gáfu Fjölskylduhjálpinni yfir 400 kuldaflíkur

Skammist ykkar bara

Alltaf eru Jóhanna og Steingrímur söm við sig.  Nú ráðast þau á lífeyrinn, peninga sem eldri borgarar eru að fara að ná sér í til viðurværis.  Nú er spurning, hvað er til ráða fyrir gamla fólkið ?

Hækka tekjuáætlun ríkisins um 1,5 milljarða

Ekki gefast upp, þetta lagast

Flestir sem hafa veri eitthvað smá í framhaldi í skóla hafa lesið um ýgi (mannýgur og allt það). Þar er kennt um hvort ýgið snúi inn, þ.e. að fólk skaði sjálft sig, og verðum við því að horfa á fjölgun sjálfsvíga.  Þá skulum við horfa á þegar ýgi snýr út.  Hvern koma þeir til með að skaða sem þannig verða stefndir þegar að þrengir.  Þetta er spurning sem ég get ekki svarað en tel að niðurstaðan geti orðið alveg skelfileg.

Munum eftir harmleiknum í Noregi í haust.

752 sagt upp í hópuppsögnum

Það er sukkað enn og aftur

Nú er heldur betur búið að redda jólunum hjá einhverjum.

Þarna er verið að ausa peningum í þá sem eiga nóg fyrir á sama tíma og fjöldi fólks þarf að lifa á bónbjörgum yfir jólin eins og reyndar aðra daga.

Ég segi því, burt með sukkið, burt með þessa ríkisstjórn

Hækkaði stjórnarlaun um 77%

Sniðugt á Íslandi

Já, það er margt sniðugt á Íslandi, eins og einn útlendingur sagði. Á meðan fjöldi fólks á ekki til hnífs og skeiðar eins og sagt er þá eys ríkisstjórnin peningum í allskonar óþarfa að mínu mati.

Hvað kostar hernaðarbröltið hjá okkur eins og þessi friðargæsla sem nú að að auka verulega.  Nú og hvað kostar þessi loftrýmisgæsla okkur, herþoturnar sem tæta hér um loftið og gera bara hávaða.

Ég gæti svo sem talið upp ótalmargt annað sem við getum verið án og við í raun höfum ekki efni á á þessum tíma.  Það grátlega er að þegar búið er að henda þessum peningum svona skuli vera hér mikill fjöldi fjölskyldna á vonarvöl og vita ekki hvernig þau eiga að halda jólin.

Ein leiðin er fyrir fólk að redda jólunum sínum er að taka út eitthvað klink út lífeyrissjóð sínum.  En þá kemur helvítis Steingrímsskatturinn, 40%, og dettur þá verulega af þeirri björginni í óþarfabrölt ríkisins, sem gerir lítið til að hjálpa þessu fólki.

Þúsundir leita sér hjálpar