Ef fólk gisti í tjöldum, hvað þá ?

Húrra fyrir Steingrími.  Hann finnur alltaf leiðir til að kroppa peninga af þeim sem lítið eiga

Hækkar leigu á orlofshúsum um 100 kr.

Eru þau alveg snar í stjórninni ?

Um að gera að moka peningum í menningarelítuna, ekki veitir þeim af.  Harpan, Sinfó og leiklistin verða nú að fá sitt og má almúginn svelta á meðan.

Væri nú ekki betra að setja þessa peninga til þurfandi fjölskyldna svona rétt fyrir jólin ?

Framlög langt umfram heimildir

Sleginn nýr tónn

Mér líst bara nokkuð vel á þennan nýja tón sem Sjálfstæðisflokkurinn er að koma með fram og er hann meira í átt að skjaldborg þeirri sem Jóhanna og Steingrímur boðuðu en stóðu ekki við.

Vonandi stendur flokkurinn við fyrirheitin ef hann kemst að í stjórn næst.

Fjármál heimilanna forgangsmál

Hvaða þjóðflokki tilheyrir þú

Það eru tvær þjóðir í þessu landi, það leynir sér ekki ef málið er skoðað aðeins.

Fólk virðist geta keypt sér dýrar vörur í stórum stíl þó allt eigi að vera hér í kalda koli.  Hverjir eru það sem hafa efni á úrum á verðbilinu 400 þúsund til 1,5 miljón.  Svo eru fréttirnar þær að sala lúxusbíla sé farin að glæðast aftur, húsfyllir trekk í trekk í Hörpunni þar sem miðinn kostar ekkert lítið og skemmtistaðir eru sko ekki tómir í dag, nei ó nei.

Svo er það hin hliðin.  700 fjölskyldur á Suðurnesjum þurfa aðstoð Fjölskylduhjálpar og er reiknað með að þær verði orðnar 1000 fyrir jól.  Þá eru víst 6000 fjölskyldur í svipuðum kröggum á höfuðborgarsvæðinu.  Ekki hafa komið fram tölur annarstaðar frá á landinu.

Já, það eru tvær þjóðir í landinu.

 

Rolex-úrin rjúka út

Langt frá því að vera lokið

Þessum landflótta er ekki lokið, nei ó nei.  Ég veit um marga sem eru að búa sig til brottfarar aðallega til Noregs.

Fjölskyldur tveggja barna minna fara til dæmis í vetur til Noregs vegna þess að skjaldborgin fræga virkar ekki fyrir þau.  Þar fara alla vega sjö frá mér.

Fari svo þessi ríkisstjórn í rassgat og loki vel á eftir sér.

Tveir og hálfur árgangur fluttur burt

Nú skil ég ekki Stalin

Nú er ég hættur að skilja.  Hún segir rangt frá en lýgur ekki einu einasta orði.  Hvernig er hægt að ljúga án þess að ljúga ?

Eða er hún bara að segja satt ?

Heimilislífið hefðbundið

Dýraníð á Egilsstöðum

Það var ömurleg uppákoma á heimili einu á Egilsstöðum í gærkvöld þegar heimiliskötturinn kom heim illa skaddaður eftir dýraníðing.

Skepnu ræfillinn hafði verið hamflettur á skottinu og var eins og afeinangrunartöng hafi verið beitt á skottið á honum og skinnið dregið þar aftur af´svo beinið stóð eitt út um 11 sm.

Dýralæknir þurfti að stytta skottið sem því nam.

Dýranið er svo sem ekki nein ný bóla á Egilsstöðum.  Stutt er síðan ráðist var á meri og hún sköðuð á kynfærum.  Þá er ekki óalgengt að kettir hverfi eða finnist dauðir eða særðir af mannavöldum.

Þessum fjára verður nú að linna held ég.  Synd ef eitthvað fólk veit um níðinginn eða níðingana og þegir yfir þeim.

Þetta er ljótt ástand

Það er ljótt að heyra að Fjölskylduhjálp Íslands sé orðin peningalaus.

Það er löngu vitað um auðæfi nokkurra fjölskyldna á Íslandi.  Það væri nú ekki úr vegi fyrir þær að vera svolítið rausnarlegar núna og gefa MIKIÐ svona fyrir jólin.

Það held ég nú.

Vísa frá fjölskyldum vegna fjárskorts

Blessað gamla fólkið

Þeir ætla ekki að gera það endasleppt hjá þessari svokölluðu ríkisstjórn fólksins þegar kemur að málefnum aldraðra.  Það vill svo til að þetta gamla fólk þolir illa óöryggi og fer að jafnaði alveg á límingunum þegar það finnur fyrir henni.  Þó að ljótt sé að segja það svona þá er þessi samdráttur vel í áttina að slátra þessu fólki eins og búfénaði.

Eina sögu vill ég segja um hvernig farið var með gamlingja sem ég þekki.  Hann, ásamt konu sinni, hafði lagt fyrir peninga til elliárana og til að hafa eitthvað handa sér og frúnni á elliheimilinu.  Þá kom hrunið.  Í framhaldi af því fékk hann upplýsingar frá bankanum um að allt sparifé hans væri nú horfið og að auki skuldaði hann bankanum 47.000 kr.  Sá gamli fór í bankann til að fá frekari upplýsingar og var sagt að svona væri þetta bara en þeir skyldu nú strika út þessa 47000 kr. skuld.  Svo af sínum rausnarskap bauð afgreiðslustúlkan gamla manninum flísteppi að gjöf... flísteppi, hafið þið heyrt aðra eins vitleysu.

Þessi blessaða ríkisstjórn ætlaði nú að rétta við hlutskipti þessa fólks, sem tapað hafði lífeyrir sínum og átti EKKERT eftir.  Allir sjá nú hvernig málum er háttað á þeim bæ með niðurskurðinum svakalega sem á að ganga endanlega frá þessum afætum sem gamla fólkið er í þeirra augum.

Ég segi því, burt með Steingrím og Jóhönnu og allt þeirra hyski.

Aðför að þjónustu við sjúka aldraða

Er hægt að koma í veg fyrir umferðaslys

Undanfarið hefur borið mikið á fréttum af umferðarslysum, hraðakstri og vímuakstri í fréttum fjölmiðla.  Það er grátleg staðreyndi að fjölmiðlar ná ekki nema broti af þeim óhöppum og slysum sem eiga sér stað í kring um landið svo maður tali nú ekki um hraðaksturinn og ölvunar/vímuaksturinn.

Hvað er fólk að pæla.  Ég er ekki að segja að öll óhöpp og slys eigi rót sína að rekja til vímuaksturs og hraðaksturs.  Fólk fer illa hvílt út í umferðina, úttaugað vegna vandamála og gleymir sér augnablik, það er nóg, slys verður.  Farið nú að hugsa svolítið áður en þið farið af stað.

Hér eru nokkur óútskýrð dæmi.

Lögreglan á Hvolsvelli hefur tekið 17 manns fyrir of hraðan akstur á Suðurlandsveginum frá Hvolsvelli og austur að Klaustri í gær. Þar af voru 3 teknir á yfir 140 km hraða og nokkrir án ökuleyfis eða skírteinislausir.

Karlmaður um þrítugt slasaðist skömmu fyrir hálf fimm í gær, hann féll á mótorkross-hjóli sínu í Grímsnesi.

Bílvelta varð á Norðurlandsvegi á móts við bæinn Höskuldsstaði í Akrahreppi um hálfníuleytið í fyrrakvöld. Ökumaður og tvö ung börn sem voru í bifreiðinni sluppu með minniháttar skrámur. Bifreiðin er gjörónýt eftir veltuna.

Bifhjólamaður mældist á 175 kílómetra hraða á Vesturlandsvegi við Grafarholt, þar sem hámarkshraði er 80 kílómetrar á klukkustund um hálfníuleytið í fyrrakvöldi.

Það verður að segjast eins og er að við, þessir almennu, getum stundum komið í veg fyrir svona lagað með að tilkynna um athæfin og ég tala nú ekki um það þegar við vitum að þau eru yfirvofandi og hægt að koma í veg fyrir að ökumaður hefji akstur í slæmu ástandi.