Hvaða þjóðflokki tilheyrir þú

Það eru tvær þjóðir í þessu landi, það leynir sér ekki ef málið er skoðað aðeins.

Fólk virðist geta keypt sér dýrar vörur í stórum stíl þó allt eigi að vera hér í kalda koli.  Hverjir eru það sem hafa efni á úrum á verðbilinu 400 þúsund til 1,5 miljón.  Svo eru fréttirnar þær að sala lúxusbíla sé farin að glæðast aftur, húsfyllir trekk í trekk í Hörpunni þar sem miðinn kostar ekkert lítið og skemmtistaðir eru sko ekki tómir í dag, nei ó nei.

Svo er það hin hliðin.  700 fjölskyldur á Suðurnesjum þurfa aðstoð Fjölskylduhjálpar og er reiknað með að þær verði orðnar 1000 fyrir jól.  Þá eru víst 6000 fjölskyldur í svipuðum kröggum á höfuðborgarsvæðinu.  Ekki hafa komið fram tölur annarstaðar frá á landinu.

Já, það eru tvær þjóðir í landinu.

 

Rolex-úrin rjúka út

Athugasemdir

[Sleggjan og Hvellurinn, 19.11.2011 kl. 10:42]

Þetta er ekki svona svarthvítt einsog þú nefnir.

Var ekki húsfyllir vegna þess að Lindex var að opna. Ný fatabúð og Íslandi. Svo veit ég ekki betur að flestir unglingar í dag eiga snjallsíma, iPad og fartölvu.

Flestir Íslendingar hafa það bara  ágætt. Ég fór á Kevin Smith í Hörpu fyrir viku og sá þar venjulegt fólk einsog ég og þú.

Svo þekki ég nokkrar einstæðar mæður sem nota fjölskylkduhjálp óspart og nota peningana frekar í áffengi, sigaréttur og djammstaði. Og þær eru frá Suðurnesjum.

Þannig að mæla fjölda fólks á skemmtistaði í sömu adrá og þú nefnir fjölskilduhjálp er kannski ekki rökrétt. Ó nei ó nei.