Að aka fullur

Enn einn fullur á bíl ef marka má fréttina, settur í grjótið, ekki hægt að yfirheyra fyrr en á morgun.  Ja hérna hér.

Hvað þurfa margir að deyja við svona aðstæður til að löggjafinn herði viðurlög til samræmis við erlend viðurlög og setji fólk hreinlega í fangelsi fyrir svona háttarlag eða í það minnsta samfélagsþjónustu.

Valt á hliðina á Háteigsvegi

Þetta er ljótt ástand

Það er ljótt að heyra að Fjölskylduhjálp Íslands sé orðin peningalaus.

Það er löngu vitað um auðæfi nokkurra fjölskyldna á Íslandi.  Það væri nú ekki úr vegi fyrir þær að vera svolítið rausnarlegar núna og gefa MIKIÐ svona fyrir jólin.

Það held ég nú.

Vísa frá fjölskyldum vegna fjárskorts

Vilja 36% hækkun launa !!!

36% meðalhækkun launa á sinfló.  Hvað eigum við að gera.  Eigum við að hækka laun hljóðfæraleikara á meðan við getum ekki haldið úti heilbrigðiskerfinu og löggæslunni.

Ég segi fyrir mína parta að heilbrigðis- og löggæsluþjónustan á að ganga fyrir með fjárútlát umfram fiðlusargi sem aðeins fróar menningarsnobburum.

Búið er að skera niður þjónustuna við aldraða svo heiftarlega að þeir hafa nú aðeins rúm til að liggja í og bíða dauðans.  Er þetta viðunnandi ?  Er ekki peningunum betur varið þar en í snobbið, fiðlusarg og Hörpuna, sem reyndar er að ryðga niður ef marka má fréttir.

Ef við snúum okkur að löggæslunni þá er aðhaldið þar orðið allt of mikið.  Ekki ráðnir inn nýir menn og innkaup tækja ekki í viðunandi ástandi.  Eigum við frekar að styrkja Hörpuna og Sinfló ?  Ég held ekki.

Ég vona að ég hafi ekki móðgað menningarsnobbið en það lið ætti að sjá að svona lagað gengur ekki við þær aðstæður sem við búum við í dag.

Áfram fundað með hljóðfæraleikurum

Kátt hjá Héraðsmönnum og Akureyringum

 

Nú verður kátt á hjalla hjá Egilsstaðarbúum og Akureyringum þegar leyft verður að baka heima fyrir hjálparstarfið. 

Sem kunnugt er fóru sýslumenn umræddra staða af stað og stoppuðu bakstur fólks og lentu skátarnir á Egilsstöðum í smá tjóni vegna þessa, höfðu bakað en fengu ekki að selja.  Þeir þurftu því að fá lánað eldhúsið í Valaskjálf til að endurtaka baksturinn en gátu lítið nýtt það sem þeir höfðu gert áður.

Flott hjá Jóni bónda, að leggja fram þetta frumvarp.

Heimabakstur leyfður með lögum

Álinu rústað

Nú er enn eitt klúður ríkisstjórnarinnar orðið að veruleika með því að gera Alcoa það ókleyft að reisa álverksmiðju á Bakka.  Það sjá nú allir sem hafa augun opin á annað borð að það er bara leikrit sem sett var í gang þegar umhverfiskerlingarnar í stjórninni höfðu þvælt málin og enginn vissi hvernig ætti að bakka.  Þá varð til leikritið Ekki hægt að skaffa rafmagn nema á nokkrar ljóskaperur.

Nú á bara eftir að slátra Helguvíkurdæminu.  Kannski koma þeir með leikritið sitt að norðan og sýna sunnlendingum það

Alcoa hættir við Bakka

Blessað gamla fólkið

Þeir ætla ekki að gera það endasleppt hjá þessari svokölluðu ríkisstjórn fólksins þegar kemur að málefnum aldraðra.  Það vill svo til að þetta gamla fólk þolir illa óöryggi og fer að jafnaði alveg á límingunum þegar það finnur fyrir henni.  Þó að ljótt sé að segja það svona þá er þessi samdráttur vel í áttina að slátra þessu fólki eins og búfénaði.

Eina sögu vill ég segja um hvernig farið var með gamlingja sem ég þekki.  Hann, ásamt konu sinni, hafði lagt fyrir peninga til elliárana og til að hafa eitthvað handa sér og frúnni á elliheimilinu.  Þá kom hrunið.  Í framhaldi af því fékk hann upplýsingar frá bankanum um að allt sparifé hans væri nú horfið og að auki skuldaði hann bankanum 47.000 kr.  Sá gamli fór í bankann til að fá frekari upplýsingar og var sagt að svona væri þetta bara en þeir skyldu nú strika út þessa 47000 kr. skuld.  Svo af sínum rausnarskap bauð afgreiðslustúlkan gamla manninum flísteppi að gjöf... flísteppi, hafið þið heyrt aðra eins vitleysu.

Þessi blessaða ríkisstjórn ætlaði nú að rétta við hlutskipti þessa fólks, sem tapað hafði lífeyrir sínum og átti EKKERT eftir.  Allir sjá nú hvernig málum er háttað á þeim bæ með niðurskurðinum svakalega sem á að ganga endanlega frá þessum afætum sem gamla fólkið er í þeirra augum.

Ég segi því, burt með Steingrím og Jóhönnu og allt þeirra hyski.

Aðför að þjónustu við sjúka aldraða

Þetta lýst mér vel á

Nú er ég ánægður, mótmæli nær vikulega framan við þinghúsið og Hörður Torfa kominn aftur.  Nú verður vonandi alvöru þrýstingur á stjórnvöld.

Við megum ekki gleyma þeim stóra niðurskurði sem hefur dunið á okkur undanfarið nær eingöngu til að rétta hlut peningavaldsins, sem kom okkur í þau vandræði sem við erum í í dag.

 Burt með Jóhönnu og Steingrím

Það var óþarfi að sleppa þeim strax

Mönnunum þremur sem handteknir voru í kjölfar mótmælanna við Hótel Borg í dag, var sleppt að loknum yfirheyrslum undir kvöld.

Það hefði mátt geyma þá til morguns að skaðlausu.  Það verður að stoppa ofbeldi mótmælanda strax annars fáum við víðlíka uppákomur fram eftir öllum vetri.

Þremenningunum sleppt

Srumparnir

Jæja, þá eru þeir aftur mættir, Strumparnir, til að haga sér eins og fífl fyrir framan Ráðherrabústaðinn.

Flestir eru jú ágætir en innan um eru einhverjir nokkrir sem eru þarna til að ná sér í fjör og ekkert annað, slæmt að hafa þá með.

Hávær mótmæli

Hann er bara að bulla núna

Össuri er gjarnt að vera svolítið yfirlýsingaglaður og segja það sem hann heldur að almenningur vilji hlusta á.  Hann blaðrar þar til Ingibjörg kippir í spottann en þá þagnar hann.

Þegar Ingibjörg hefur tekið hann á teppið étur hann alla vitleysuna ofan í sig að vanda.

Bókunin frá Össuri komin