Áfengi keypt fyrir börn.

 

Foreldrar og aðrir aðstandendur barna og unglinga eru ekki kátir með það þegar áfengi er keypt handa börnum þeirra. 

Þó nokkuð er um að fullorðnir láti sig hafa það að skaffa börnum, áfengi.  Svo er það helvítis landasalan.

Aðstandendur barna ættu að taka sig saman og klaga þá sem eru að versla vín handa börnum þeirra.

Bitvargar

Hvernig er að með bitvarga og lögreglumenn.  Undanfarin ár virðist tölvert hafa orðið um að lögreglumenn séu bitnir af fólki, þá eru fréttir þess eðlis mikið frá Vestförðum.

Það verður að gefa þessu fólki eitthvað að borða ef það er orðið svo hungrað að það leggur sér mannakjöt tiol munns.

Beit lögreglumann í fingur

Brjálað stuð á blogginu hjá Vísi.is

Það er frekar fjörlítið á bloggsíðu Vísir.is þessa dagana, allt í skralli og engar nýjar færslur.  Það er með ólíkindum að ekki skuli koma neitt um það hvað sé að eða hvað ástandið verður lengi svona.

Ég sé líka að allt er eins og var hér á þessu bloggsvæði þar sem reynt er að lyfta huliðshjálminum af þeim nafnlausu.  Það er víst gert fyrir þá sem eru hræddir við launsátur, eru huglausir og saka þá nafnlausu um skort á kjarki til að koma fram. 

 Það geta legið ýmsar ástæður fyrir því að fólk vill blogga nafnlaust.  Því miður verður það að viðurkennast að margir hafa misnotað bloggið undir nafnleynd og verðum við hin að taka afleiðingum þess, en svona er þetta bara.

Er hægt að koma í veg fyrir umferðaslys

Undanfarið hefur borið mikið á fréttum af umferðarslysum, hraðakstri og vímuakstri í fréttum fjölmiðla.  Það er grátleg staðreyndi að fjölmiðlar ná ekki nema broti af þeim óhöppum og slysum sem eiga sér stað í kring um landið svo maður tali nú ekki um hraðaksturinn og ölvunar/vímuaksturinn.

Hvað er fólk að pæla.  Ég er ekki að segja að öll óhöpp og slys eigi rót sína að rekja til vímuaksturs og hraðaksturs.  Fólk fer illa hvílt út í umferðina, úttaugað vegna vandamála og gleymir sér augnablik, það er nóg, slys verður.  Farið nú að hugsa svolítið áður en þið farið af stað.

Hér eru nokkur óútskýrð dæmi.

Lögreglan á Hvolsvelli hefur tekið 17 manns fyrir of hraðan akstur á Suðurlandsveginum frá Hvolsvelli og austur að Klaustri í gær. Þar af voru 3 teknir á yfir 140 km hraða og nokkrir án ökuleyfis eða skírteinislausir.

Karlmaður um þrítugt slasaðist skömmu fyrir hálf fimm í gær, hann féll á mótorkross-hjóli sínu í Grímsnesi.

Bílvelta varð á Norðurlandsvegi á móts við bæinn Höskuldsstaði í Akrahreppi um hálfníuleytið í fyrrakvöld. Ökumaður og tvö ung börn sem voru í bifreiðinni sluppu með minniháttar skrámur. Bifreiðin er gjörónýt eftir veltuna.

Bifhjólamaður mældist á 175 kílómetra hraða á Vesturlandsvegi við Grafarholt, þar sem hámarkshraði er 80 kílómetrar á klukkustund um hálfníuleytið í fyrrakvöldi.

Það verður að segjast eins og er að við, þessir almennu, getum stundum komið í veg fyrir svona lagað með að tilkynna um athæfin og ég tala nú ekki um það þegar við vitum að þau eru yfirvofandi og hægt að koma í veg fyrir að ökumaður hefji akstur í slæmu ástandi.

Hvenar verða hraðamælingar boðnar út

Nú á að fara að einkavæða sýnatökurnar hjá löggunni.  Það er ekki nóg að það eigi að eikavæða löggubílana.  Hvað verður eikavætt hjá lögunni næst, þeir sjálfir eða hvað.

Auglýst er eftir meinatæknum, læknum eða öðrum með slíka menntun til að annast sýnatökur úr ökumönnum sem grunaðir eru um akstur undir áhrifum áfengis, lyfja eða fíkniefna.

Hver ræður gjaldskrá heilbrigðisstofnanna, eru þær ekki ríkisreknar ?  Er ekki bara verið að færa pening úr einum vasa í annan hjá ríkinu.

Ég hélt að einkavæðing væri ekki á stefnuskrá nýju ríkisstjórnarinnar en nú virðist allt ætla að verða falt.

Íslenskir glæpamenn í suður-Ameríku

Grunur leikur á að Íslendingur reki skipulagða glæpastarfsemi í Brasilíu. Smári Sigurðsson, yfirmaður alþjóðadeildar Ríkislögreglustjóra, segir enga tilviljun að Íslendingar hafi ítrekað verið gómaðir þar með kókaín.

Það er því augljóst að þeir sem eru að smygla þarna í suður-ameríku vita vel að hverju þeir ganga ef þeir eru gómaðir.

Það er því nokkuð ódýrt að tala heim og kalla, mamma, mamma, ég er ekki glæpamaður, þetta var alveg óvart.

Hvað hefði orðið um neytendur 6 kílóa af Cocaini hér heima.  Þetta hefði orðið um 55-60 kíló á götunni svo það er ekki verið að tala um neitt smáræði.

Hvaða vorkun hefðu fjölskyldur sem splundrast hefðu fengið hjá almenningi vegna þessa.  Ég held enga.

Af hverju eru þá fréttamenn sífellt að setja upp ákall eftir vorkunsemi fyrir smyglarann sem hefði með farmferði sínu skapað' mörgum fjölskyldum hörmungum og jafnvel splundrað þeim.

Ja for fanede.

Þeir sem eru tilbúnir til að standa í svona nokkru og valda ómældri óhamingju margra mega mín vegna rottna í þriðja-heims fangelsum.

Jólasveinar enn á ferð

Fimm jólasveinar brutust um helgina inn í Sláturhúsið á Hellu og stálu þaðan samtals 670 kílóum af kjötvörum.

Jólarnir voru á tveimur bílum.  Selfosslögreglan stöðvaði bílana rétt austan við Selfoss og fann þýfið.

Þá voru jólasveinarnir beggja bílanna undir áhrifum fíkniefna.

Þetta er fjórða innbrotið í sláturhúsið frá því í ágúst s.l. og leikur grunur á að sömu jólasveina kunni að hafa verið að verki í öll skiptin. Lögreglan á Hvolsvelli sér um rannsókn málsins.  

Það er þokkalegt að vera út úr skakkur við að stela sér til matar.

Það var óþarfi að sleppa þeim strax

Mönnunum þremur sem handteknir voru í kjölfar mótmælanna við Hótel Borg í dag, var sleppt að loknum yfirheyrslum undir kvöld.

Það hefði mátt geyma þá til morguns að skaðlausu.  Það verður að stoppa ofbeldi mótmælanda strax annars fáum við víðlíka uppákomur fram eftir öllum vetri.

Þremenningunum sleppt

Að koma nakinn fram

Nú er svo komið á blogginu að maður verður að koma nakinn fram ef maður ætlar að fréttablogga  Þetta finnst mér miður.

Ég blogga nú ekki mikið hérna en það verur sennilega lítið sem ekkert eftir breytinguna 1 jan.

Mér er alveg sama hvað þeir gera, þeir skulu aldrei komast að því að ég heiti Túrilla Joensen

Drykkjuskapur um jólin

Það er algengara en tárum taki hve margar fjölskyldur eru ofurseldar Bakkusi konungi um jólin.  Það er þó nokkuð mikið um útköll lögreglu og félagsmálayfirvalda vegna þessa og er það til skammar.  Hvernig líf er það fyrir börnin að horfa á foreldra sína um jól, dauða drukkin og í hasar út af einhverjum málum sem ekki á að gera upp fyrir framan þau.

Þar sem erfiðleikarnir í þjóðfélaginu nú koma kannski illa niður á svona fjölskyldum má búast við sprengingu í útköllum um þessi jól því miður.  Því ættu sem flestir að láta tappann vera í flöskunni yfir hátíðarnar og hugsa frekar um börnin sín.

Aukinn vandi kvenna sem fela drykkju